Пра часопic

Беларускі Гістарычны Агляд заснаваны ў 1994 г. як незалежны навуковы перыёдык, прысвечаны гісторыі Беларусі і актуальнаму стану беларускай гістарыяграфіі. У 2006-2019 г. выдаваўся Еўрапейскім Гуманітарным Універсітэтам, цяпер выходзіць пры Цэнтры Беларускіх Студыяў Варшаўскага ўніверсітэта. Часопіс змяшчае артыкулы, агляды, рэцэнзіі, архіўныя матэрыялы і інфармацыйныя зацемкі па беларускай і ўсходнееўрапейскай гісторыі без храналагічных абмежаванняў.

Перыёдык індэксуецца ў базах ERIH PLUS i EBSCO.

Усе тэксты высылаюцца ў электроннай форме на адрас bhr.belhistory@gmail.com

Рукапісы навуковых артыкулаў праходзяць папярэдняе ананімнае рэцэнзаванне. Рэдакцыя пакідае за сабой права адбору і рэдагавання атрыманых тэкстаў.

Пры падрыхтоўцы артыкулаў і рэцэнзій просім кіравацца інструкцыяй для аўтараў.