БЕЛАРУСКІ ГІСТАРЫЧНЫ АГЛЯД
НАВУКОВЫ ЧАСОПІС
Беларускі Гістарычны Агляд заснаваны ў 1994 г. як незалежны навуковы перыёдык, прысвечаны даследаванням гісторыі Беларусі і актуальнаму стану беларускай гістарыяграфіі. Пасля 2006 г. выдаваўся пры ЕГУ, ад 2019 г. – пры Цэнтры ўсходнееўрапейскіх даследаванняў Варшаўскага ўніверсітэта. Часопіс публікуе артыкулы, агляды, рэцэнзіі, архіўныя матэрыялы, а таксама інфармацыйныя зацемкі па беларускай і ўсходнееўрапейскай гісторыі без храналагічных абмежаванняў.
БГА індэксуецца ў базах ERIH PLUS i EBSCO.
Усе тэксты высылаюцца ў электроннай форме на адрас bhr@belhistory.eu
Рукапісы навуковых артыкулаў праходзяць папярэдняе ананімнае рэцэнзаванне. Рэдакцыя пакідае за сабой права адбору і рэдагавання атрыманых тэкстаў.
Пры падрыхтоўцы артыкулаў і рэцэнзій просім кіравацца інструкцыяй для аўтараў.
28.02.1937–9.03.2026
У пачатку гэтага года сышоў з жыцця выдатны беларускі гісторык і спецыяліст па гісторыі Усходняй Еўропы, доктар гістарычных навук, лаўрэат Дзяржаўнай прэміі Рэспублікі Беларусь Георгій Якаўлевіч Галенчанка. Навуковыя інтарэсы моцна звязвалі яго з Расіяй, Украінай, Польшчай і Літвою. На працягу дзесяцігоддзяў ён знаёміў суайчыннікаў з мінулым Беларусі, адкрываючы новыя, невядомыя старонкі гісторыі сваёй краіны. Адным з першых у былым СССР ён пачаў даследаваць кніжную культуру народаў Усходняй Еўропы, даўшы новы штуршок да вывучэння пачаткаў кірылічнага кнігадрукавання і дзейнасці Францішка Скарыны.
Нарадзіўся Георгій Галенчанка 28 лютага 1937 г. у Петразаводску, у сям’і выкладчыкаў мясцовага настаўніцкага інстытута. Пасля заканчэння ІІ Сусветнай вайны сям’я пераехала ў Мінск, дзе ў 1955 г. будучы гісторык-медыявіст скончыў сярэднюю школу № 42. Спачатку хацеў прысвяціць сваё жыццё не навуцы, а творчасці і стаць кінарэжысёрам. Калі не прайшоў па конкурсе ва Усесаюзны дзяржаўны інстытут кінематаграфіі (ВГИК), то падаў дакументы ў Політэхнічны інстытут у Мінску.
Чытаць далей >>